Þjóðbrók

Jæja, þá er loksins að koma að því. Við ætlum að fara út í Gróttu næstkomandi föstudagskvöld (21.nóv.), skella okkur í náttfötin og eiga frábæra stund saman. Sagðar verða draugasögur, gamansögur, flökkusögur, lygasögur og alls konar sögur! Við ætlum að fá okkur göngutúr um eyjuna með vitaverðinum okkar um nóttina og um morguninn förum við upp í vitann og kíkjum á útsýnið. Það var ROSALEGA gaman seinast og það verður örugglega enn skemmtilegra núna. Krístín er allavega orðin ferlega spennt!
Við hittumst klukkan 22:00 út á “tánni” þar sem hægt er að leggja sem næst gönguleiðinni út í eyjuna(leið 14 keyrir þessa leið). Það verður orðið fært aftur til baka klukkan 8:00 morguninn eftir en sennilega verðum við nú ekki svo snemma á ferðinni… verðum líklega að koma heim um hádegi? Allir mæta með eitthvað að drekka fyrir sig og svo leggjum við í púkk eitthvað til að narta í. Seinast var komið með heimabökuð möffins, smurðar flatkökur, víber og osta, brauð og pestó, nammi, snakk og fl. bara svona til að gefa einhverjar hugmyndir. Einnig þarf að kippa með sér svefnpoka en það eru dýnur á staðnum og munið að vera vel klædd elskurnar. Óþjóðbrókaðir þjóðfræðinemar borga 500.- (ef þið eigið dollara, evrur eða eitthvað verðmætara er það vel þegið í kryppunni….). Endilega skáið ykkur í kommentakerfið svo við getum gert okkur grein fyrir því hversu margir mæta.
Hlökkum til að eiga frábæra stund með ykkur! Kremjuknús og kossar, Þjóðbrækur.

Tags: Fréttir // 17 Comments »

Planið var að fara í vísindaferð á Sjóminjasafnið á föstudaginn en ákveðið hefur verið að fresta því. Þar kemur margt til en við erum velkomin eftir áramót (ekki gleyma Gróttuferðinni þann 21. nóv.! auglýst betur síðar)
Hinsvegar ætlum við að hittast eftir viku og spjalla um námið og hafa kósí jóla stemningu. Búið er að senda póst á alla og vonandi komast sem flestir. Þessi póstur var sendur út:
Elskulegu samnemar.
Upp kom sú hugmynd að við myndum hittast öll og eiga kósí stund saman og ræða um námið okkar. Því hefur verið ákveðið að setja á hitting næstkomandi þriðjudag (18.nóv.) klukkan 5 á kaffistofunni á 1. hæð í Odda (inn af kennaraaðstöðunni). Þetta er fyrir ALLA nemendur í þjóðfræði og ætla okkar dásamlegu kennarar að vera með okkur.
Okkur gefst kostur á að spyrja spurninga um námið (og líka þeirra sem við höfum aldrei þorað að spyrja..). Frábært væri ef þið mynduð senda þær á Kristínu kennara (kriste@hi.is) þannig að þau gætu verið vel undirbúin, en það má líka auðvitað skjóta bara á staðnum. Við ætlum að fara yfir mál eins og hvað eiga rannsóknarritgerðirnar okkar að vera margar einingar og hversu margar gerum við? Skildunámsskeið, valnámsskeið og bundið val? Ætlum við að fara saman í námsferð og þá hvert? Og margt fleira! Endilega látið heilann storma og smellið nokkrum hugrenningum á Kristínu.
Þar sem senn líður að jólum langar okkur að gera þetta að nokkurs konar „litlu jólum“ svona eins og voru í barnaskóla Við ætlum að hafa kertaljós gera pínu jóla stemmu. Okkur verður boðið upp á drykki en hugmyndin er að hvert og eitt okkar komi með eitthvað að maula, t.d. piparkökur eða eitthvað í þá áttina. Ekkert til að stessa sig yfir (ekki skilda að það sé heimabakað, he he..)bara smá nart þið vitið. Vonandi sjáum við ykkur sem flest og eigum notalega stund saman og afstressum okkur fyrir próf og hátíðahöld.
Ást og aðdáun frá Þjóðbrók og kennurum vorum.

Tags: Fréttir // 4 Comments »

Á föstudaginn næstkomandi ætlum við fara með félögum okkar í Hómó og Torfhildi í vísindaferð. Áfangastaðurinn að þessu sinni er Landsvirkjun. Þar munum við fá feiki mikinn fróðleik ásamt feiki mikið af einhverskonar bruggi úr Á.T.V.R. Þennan dag er Halloween og af því tilefni ætlum við að klæða okkur upp í búninga
Planið er semsagt þetta: Mæting er í Landsvirkjun kl 17:00. Hún er að Háaleitisbraut 68. Við mætum að sjálfsögðu í flottum búningum (er þó ekki skylda). Við fáum kynningu og blöndum svo geði og vætum kverkarnar í góðra vina hópi og skemmtum okkur afskaplega vel.
Svo er það pæling hvort við viljum ekki skreppa í bæinn og fá okkur eitthvað að eta saman. Nú og svo má líka halda áfram að staupa sig dulítið. Ef þið eruð með hugmyndir af stöðum þar sem við gætum fengið okkur í goggin saman eru þær vel þegnar.
Kommentið þið endilega ef ykkur langar í góða vísó (því við eigum 15 pláss) og einnig ef ykkur langar ud at spise (þó þið komist ekki með í Landsvirkjun).
Knús og kossar-Þjóðbrækur.

p.s. það kostar 500.- fyrir þá sem eru ekki skráðir í félagið.

Tags: Fréttir // 10 Comments »

Við fórum í frábæra ferð á Hóla og í Laufskálaréttir í september. Við erum búin að skella okkur í partý þar sem gleðin var við völd og svo á bjórkvöld að drekka „kreppubjór“.
Núna er verkefnavika, vona að allir séu rosa duglegir að læra!
En þetta er framundan:
Fös.31 okt.-Vísindaferð í Landsvirkjun með Hómó (félag mannfræðinema) og Torfhildi (félag bókmenntafræðinema). Á þessum degi er Halloween og munum við að sjálfsögðu heiðra þann dag með tilheyrandi grímubúingum (ca 15 pláss laus).
Fim.6 nóv.-Pubquiz með Kumli (félag fornleifafræðinema). Þau buðu okkur að taka þátt svo að nú er að æfa sig í Trivial og bjóða sig fram í lið.
Fös.14 nóv.-Vísindaferð í Sjóminjasafnið með Fróða (félag sagnfræðinema).
Fös.21.nóv.-Gróttuferð! Það var svo SVAKALEGA gaman seinast að við ákváðum að fara aftur. Kristín (kennari)kemur með sem sérlegur guide og draugasögukona. Við gistum eina nótt og höfum það huggulegt. Farið verður út í eynna seint að kveldi og aftur heim um hádegi daginn eftir. Algjört möst að fara í þessa ferð!
Fös.28.nóv.-Teiti! Þetta er síðasti kennsludagur og því er tilvalið að lyfta sér upp og skella sér í partý með samnemendum sínum. Þemað í þessu partýi eru höfuðföt. Til greina koma: hattar, húfur, lambhúshettur, skreyttar spangir og glansandi skallar. Ykkar er valið 
Hugmyndin er einnig að hafa litlu jól og svo er auðvitað próflokadjamm með restinni af H.Í.
Einnig er að fæðast nokkuð nett/þétt dagskrá fyrir næstu önn sem verður auglýst síðar.
Góðar stundir.
Ykkar einlægar Þjóðbrækur.

Tags: Fréttir // Add Comment »

Þjóðbrók stendur fyrir bjórkvöldi á Hverfisbarnum fimmtudaginn 16. október. Gleðin hefst klukkan 21:00 og stendur eins lengi og þið óskið, eða þangað til að staðurinn lokar. Háskólanemar fá bjórin á 390 krónur sem er kostaboð.

Það er um að gera að lyfta sér upp fyrir vinnutörn í lesvikunni og hita sig upp fyrir þétta dagskrá vísindaferða og annara skemmtana á næstu vikum.

Það væri vel þegið ef þið lýstuð yfir áhuga ykkar á því að mæta í kommentakerfinu.

Ást og friður - Þjóðbrók

Tags: Blogg, Viðburðir // 3 Comments »

Klukkan 17:00 i dag ætla kennarar i þjoðfræði að bjoða fjarnemum sem eru i staðlotu i kaffi i fundarherberginu hja skrifstofunni hans Terry (oddi 113). Staðnemar eru lika velkomnir og hvattir til að mæta svo að fjarnemarnir fai að sja falleg og vinaleg andlit.

Eftir kaffið er hugmyndin að syna fjarnemunum hversu katir og reifir þjoðfræðinemar eru og skunda a oktoberfest i bingo. Bingoið byrjar klukkan 20:00 og hefur verið mjög vinsælt siðustu ar enda eru veglegir vinningar i boði og kynnirinn i ar ku ekki vera af verri endanum.

Kikið svo a færsluna hennar Völu herna fyrir neðan svo þið missið ekki af partyinu a morgun.

Þjoðbrok- stanslaust party

Tags: Fréttir // Add Comment »

Félagar í Torfhildi sem er félag bókmenntafræðinema voru svo yndisleg að bjóða okkur í party með sér, við ætlum að hita upp fyrir októberfest á föstudaginn saman. Við ætlum að hittast heima hjá Héðni, Heiðargerði 2 (grænt hús með hvítu þaki) kl. 6. Það verður boðið upp á bjór en svo förum við öll saman á októberfestið og drekkum meiri bjór.
Það er spurning um að hittast einhverstaðar rétt fyrir 6 og fara saman ef fólk er feimið við hina lesglöðu bókmenntafræðinema…ef þið hafið einhverjar uppástungur endilega látið vita í commenti!

Miðasala á festið er svo hafin í Háskólatorgi.

Armband fyrir fimmtudag og föstudag kostar 1500 kall og einn góður fylgir. Armband fyrir fimmtudag, föstudag og laugardag kostar 2500 kall og tveir bjórar fylgja. Stakur miði inn á fimmtudag og föstudag kostar 1000 kall í hurðinni.

ATH! Þar sem hvimleið röð hefur ávallt skapast í kringum inngang Októberfest-tjaldsins og margur stúdentinn hefur bókstaflega rignt niður í forina í þeirri bið höfum ákveðið að vera með forsölu á Októberfest og því hvetjum við stúdenta til að nýta sér það og sleppa við óþægindin.

Allir velkomnir, hlökkum til að sjá ykkur!

Tags: Fréttir // 1 Comment »

Nú fer hver að verða síðastur til að ganga í Þjóðbrók og fá þar með niðurgreitt á viðburði vetrarins og afslátt á skemmtistað sem nýtist vel eftir vísindaferðir og á bjórkvöldum. Ef þú vilt vera meðlimur í litlu nemendafélagi með stórt hjarta þarftu bara að leggja 2500 kr. inn á reikning 0137-26-017956, kt. 451089-1619.

Á döfinni er Októberfest, partý með Torfildi, vísindaferð í Landsvirkjun, vísindaferð í Sjóminjasafnið og Gróttuferð. Það er því til mikils að vinna að vera í félaginu.

Þjóðbrók- Ódýr skemmtun í kreppunni

Tags: Blogg // Add Comment »

Stúdentar, sameinumst um gleði-fest í kreppunni!

Miðvikudagur / Wednesday:

11:40 – 12:30 Málþing um lady-boys frá Filippseyjum og kvikmyndina sem allir eru að tala um: The Amazing Truth about Queen Raquela. Málþingið fer fram í hringleikasalnum á Háskólatorgi H-101. / A symposium about the movie The Amazing Truth about Queen Raquela in Háskólatorg H-101.

20:00 The Amazing Truth about Queen Raquela forsýnd á Íslandi fyrir stúdenta HÍ í Októberfest-tjaldi. Miðinn kostar 600 kall. / Preview of the movie The Amazing Truth about Queen Raquela for students in the Octoberfest-tent. Tickets 600 isk.

Fimmtudagur / Thursday:

17:00 Opnunarhátíð með þýska sendiherranum og fallegum þýskum hljómum. / Opening festival with the German embassador and beautiful German sounds.
20:00 þýskt Bingó og þýskt sjónvarpsefni. / German bingo and TV.

Föstudagur / Friday:

Tjaldið opnar kl. 17:00 / The Octoberfest-tent opens at 17:00
*Búningakeppni - Hver mætir í þýskasta búningnum. / Costume-competition – Who is in the most German costume?
*Mottukeppni - Hver er með glæsilegustu mottuna. / Moustache – Who has the most elegant moustache.
*Drykkjukeppni milli deilda - Hægt er að skora á deild/deildir í drykkjukeppni úr stígvèli. / Drinking competition between divisions.
*Þýsk tónlist verður spiluð alla daga. / German music every day.

Laugardagur / Saturday:

* Október”Rokk”Fest!!! / Ocotber Rock-fest
* Mugison- http://www.myspace.com/mugison
* Mamút - http://www.myspace.com/mammut
* Who knew - http://www.myspace.com/wellwhoknew
* Dikta - http://www.myspace.com/dikta
* Agent Fresco - http://www.myspace.com/agentfresco

Og tékkiði svo á: www.oktober.is!

Tags: Fréttir // Add Comment »

Kæru Laufskálaréttaferðarfarar (ef þið getið búið til lengra orð í ferðinni fáið þið verðlaun!).
Við ætlum að hittast á fimmtudaginn klukkan 13:15 undir stiganum á Háskólatorgi. Við munum þá fara yfir ferðatilhögun fyrir laugardaginn.
Hlökkum til að sjá ykkur allar

Tags: Fréttir // Add Comment »